ΚΑΙΝΗ ΔΙΑΘΗΚΗ ΤΟ ΙΕΡΟΝ ΕΥΑΓΓΕΛΙΟΝ
ΚΕΦΑΛΑΙΟΝ Η ΤΟ ΚΑΤΑ ΙΩΑΝΝΗΝ
Ιω Η‐2 ὄρθρου δὲ πάλιν παρεγένετο εἰς τὸ ἱερόν, καὶ πᾶς ὁ λαὸς ἤρχετο πρὸς
αὐτόν· καὶ καθίσας ἐδίδασκεν αὐτούς.
Ιω Η‐3 ἄγουσι δὲ οἱ γραμματεῖς καὶ οἱ Φαρισαῖοι γυναῖκα ἐπὶ μοιχείᾳ
κατειλημμένην, καὶ στήσαντες αὐτὴν ἐν μέσῳ λέγουσιν αὐτῷ·
Ιω Η‐4 διδάσκαλε, αὕτη ἡ γυνὴ κατείληπται ἐπ ̓ αὐτοφώρῳ μοιχευομένη·
Ιω Η‐5 καὶ ἐν τῷ νόμῳ ἡμῶν Μωῡσῆς ἐνετείλατο τὰς τοιαύτας λιθάζειν.
Ιω Η‐6 σὺ οὖν τί λέγεις; τοῦτο δὲ εἶπον ἐκπειράζοντες αὐτόν, ἵνα σχῶσι
κατηγορίαν κατ ̓ αὐτοῦ. ὁ δὲ ̓Ιησοῦς κάτω κύψας τῷ δακτύλῳ ἔγραφεν εἰς
τὴν γῆν.
Ιω Η‐7 ὡς δὲ ἐπέμενον ἐρωτῶντες αὐτόν, ἀνέκυψε καὶ εἶπεν αὐτοῖς· ὁ
ἀναμάρτητος ὑμῶν πρῶτος βαλέτω λίθον ἐπ ̓ αὐτήν.
Ιω Η‐8 καὶ πάλιν κάτω κύψας ἔγραφεν εἰς τὴν γῆν.
Ιω Η‐9 οἱ δὲ ἀκούσαντες ἐξήρχοντο εἷς καθ ̓ εἷς, ἀρξάμενοι ἀπὸ τῶν
πρεσβυτέρων, καὶ κατελείφθη ὁ ̓Ιησοῦς καὶ ἡ γυνὴ ἐν μέσῳ οὖσα
Ιω Η‐10 ἀνακύψας δὲ ὁ ̓Ιησοῦς εἶπεν αὐτῇ· γύναι, ποῦ εἰσιν; οὐδείς σε
κατέκρινεν;
Ιω Η‐11 ἡ δὲ εἶπεν· οὐδείς, Κύριε. εἶπε δὲ ὁ ̓Ιησοῦς· οὐδέ ἐγώ σε κατακρίνω·
πορεύου καὶ ἀπὸ τοῦ νῦν μηκέτι ἁμάρτανε.
Ιω Η‐12 Πάλιν οὖν αὐτοῖς ὁ ̓Ιησοῦς ἐλάλησε λέγων· ἐγώ εἰμι τὸ φῶς τοῦ
κόσμου· ὁ ἀκολουθῶν ἐμοὶ οὐ μὴ περιπατήσῃ ἐν τῇ σκοτίᾳ, ἀλλ ̓ ἕξει τὸ
φῶς τῆς ζωῆς.
Ιω Η‐13 εἶπον οὖν αὐτῷ οἱ Φαρισαῖοι· σὺ περὶ σεαυτοῦ μαρτυρεῖς· ἡ μαρτυρία
σου οὐκ ἔστιν ἀληθής.
Ιω Η‐14 ἀπεκρίθη ̓Ιησοῦς καὶ εἶπεν αὐτοῖς· κἂν ἐγὼ μαρτυρῶ περὶ ἐμαυτοῦ,
ἀληθής ἐστιν ἡ μαρτυρία μου, ὅτι οἶδα πόθεν ἦλθον καὶ ποῦ ὑπάγω· ὑμεῖς
δὲ οὐκ οἴδατε πόθεν ἔρχομαι ἢ ποῦ ὑπάγω.
Ιω Η‐15 ὑμεῖς κατὰ τὴν σάρκα κρίνετε· ἐγὼ οὐ κρίνω οὐδένα.
Ιω Η‐16 καὶ ἐὰν κρίνω δὲ ἐγώ, ἡ κρίσις ἡ ἐμὴ ἀληθής ἐστιν, ὅτι μόνος οὐκ
εἰμί, ἀλλ ̓ ἐγὼ καὶ ὁ πέμψας με πατήρ.
Ιω Η‐17 καὶ ἐν τῷ νόμῳ δὲ τῷ ὑμετέρῳ γέγραπται ὅτι δύο ἀνθρώπων ἡ
μαρτυρία ἀληθής ἐστιν.
Ιω Η‐18 ἐγώ εἰμι ὁ μαρτυρῶν περί ἐμαυτοῦ, καὶ μαρτυρεῖ περί ἐμοῦ ὁ πέμψας
με πατήρ.
Ιω Η‐19 ἔλεγον οὖν αὐτῷ· ποῦ ἐστιν ὁ πατήρ σου; ἀπεκρίθη ὁ ̓Ιησοῦς· οὔτε
ἐμὲ οἴδατε οὔτε τὸν πατέρα μου· εἰ ἐμὲ ᾔδειτε καὶ τὸν πατέρα μου ᾔδειτε
ἄν. 186
Ιω Η‐20 Ταῦτα τὰ ῥήματα ἐλάλησεν ὁ ̓Ιησοῦς ἐν τῷ γαζοφυλακίῳ, διδάσκων
ἐν τῷ ἱερῷ, καὶ οὐδεὶς ἐπίασεν αὐτόν, ὅτι οὔπω ἐληλύθει ἡ ὥρα αὐτοῦ.
Ιω Η‐21 Εἶπεν οὖν πάλιν αὐτοῖς ὁ ̓Ιησοῦς· ἐγὼ ὑπάγω καὶ ζητήσετέ με, καὶ ἐν
τῇ ἁμαρτίᾳ ὑμῶν ἀποθανεῖσθε· ὅπου ἐγὼ ὑπάγω, ὑμεῖς οὐ δύνασθε
ἐλθεῖν.
Ιω Η‐22 ἔλεγον οὖν οἱ ̓Ιουδαῖοι· μήτι ἀποκτενεῖ ἑαυτόν, ὅτι λέγει, ὅπου ἐγὼ
ὑπάγω, ὑμεῖς οὐ δύνασθε ἐλθεῖν;
Ιω Η‐23 καὶ εἶπεν αὐτοῖς· ὑμεῖς ἐκ τῶν κάτω ἐστέ, ἐγὼ ἐκ τῶν ἄνω εἰμί· ὑμεῖς
ἐκ τοῦ κόσμου τούτου ἐστέ, ἐγὼ οὐκ εἰμὶ ἐκ τοῦ κόσμου τούτου.
Ιω Η‐24 εἶπον οὖν ὑμῖν ὅτι ἀποθανεῖσθε ἐν ταῖς ἁμαρτίαις ὑμῶν· ἐὰν γὰρ μὴ
πιστεύσητε ὅτι ἐγώ εἰμι, ἀποθανεῖσθε ἐν ταῖς ἁμαρτίαις ὑμῶν.
Ιω Η‐25 ἔλεγον οὖν αὐτῷ· σὺ τίς εἶ; καὶ εἶπεν αὐτοῖς ὁ ̓Ιησοῦς· τὴν ἀρχὴν ὅ,τι
καὶ λαλῶ ὑμῖν.
Ιω Η‐26 πολλὰ ἔχω περὶ ὑμῶν λαλεῖν καὶ κρίνειν· ἀλλ ̓ ὁ πέμψας με ἀληθής
ἐστι, κἀγὼ ἃ ἤκουσα παρ ̓ αὐτοῦ, ταῦτα λέγω εἰς τὸν κόσμον.
Ιω Η‐27 οὐκ ἔγνωσαν ὅτι τὸν πατέρα αὐτοῖς ἔλεγεν.
Ιω Η‐28 εἶπεν οὖν αὐτοῖς ὁ ̓Ιησοῦς· ὅταν ὑψώσητε τὸν υἱὸν τοῦ ἀνθρώπου,
τότε γνώσεσθε ὅτι ἐγώ εἰμι, καὶ ἀπ ̓ ἐμαυτοῦ ποιῶ οὐδέν, ἀλλὰ καθὼς
ἐδίδαξέ με ὁ πατήρ μου, ταῦτα λαλῶ.
Ιω Η‐29 καὶ ὁ πέμψας με μετ ̓ ἐμοῦ ἐστιν· οὐκ ἀφῆκέ με μόνον ὁ πατήρ, ὅτι
ἐγὼ τὰ ἀρεστὰ αὐτῷ ποιῶ πάντοτε.
Ιω Η‐30 Ταῦτα αὐτοῦ λαλοῦντος πολλοὶ ἐπίστευσαν εἰς αὐτόν.
Ιω Η‐31 ̓́Ελεγεν οὖν ὁ ̓Ιησοῦς πρὸς τοὺς πεπιστευκότας αὐτῷ ̓Ιουδαίους· ἐὰν
ὑμεῖς μείνητε ἐν τῷ λόγῳ τῷ ἐμῷ, ἀληθῶς μαθηταί μού ἐστε,
Ιω Η‐32 καὶ γνώσεσθε τὴν ἀλήθειαν, καὶ ἡ ἀλήθεια ἐλευθερώσει ὑμᾶς.
Ιω Η‐33 ἀπεκρίθησαν αὐτῷ· σπέρμα ̓Αβραάμ ἐσμεν καὶ οὐδενὶ
δεδουλεύκαμεν πώποτε· πῶς σὺ λέγεις ὅτι ἐλεύθεροι γενήσεσθε;
Ιω Η‐34 ἀπεκρίθη αὐτοῖς ὁ ̓Ιησοῦς· ἀμὴν ἀμὴν λέγω ὑμῖν ὅτι πᾶς ὁ ποιῶν
τὴν ἁμαρτίαν δοῦλός ἐστι τῆς ἁμαρτίας.
Ιω Η‐35 ὁ δὲ δοῦλος οὐ μένει ἐν τῇ οἰκίᾳ εἰς τὸν αἰῶνα· ὁ υἱὸς μένει εἰς τὸν
αἰῶνα.
Ιω Η‐36 ἐὰν οὖν ὁ υἱὸς ὑμᾶς ἐλευθερώσῃ, ὄντως ἐλεύθεροι ἔσεσθε.
Ιω Η‐37 οἶδα ὅτι σπέρμα ̓Αβραάμ ἐστε· ἀλλὰ ζητεῖτέ με ἀποκτεῖναι, ὅτι ὁ
λόγος ὁ ἐμὸς οὐ χωρεῖ ἐν ὑμῖν.
Ιω Η‐38 ἐγὼ ὃ ἑώρακα παρὰ τῷ πατρί μου λαλῶ· καὶ ὑμεῖς οὖν ὃ ἑωράκατε
παρὰ τῷ πατρὶ ὑμῶν ποιεῖτε.
Ιω Η‐39 ἀπεκρίθησαν καὶ εἶπον αὐτῷ· ὁ πατὴρ ἡμῶν ̓Αβραάμ ἐστι. λέγει
αὐτοῖς ὁ ̓Ιησοῦς· εἰ τέκνα τοῦ ̓Αβραὰμ ἦτε, τὰ ἔργα τοῦ ̓Αβραὰμ
ἐποιεῖτε. 187
Ιω Η‐40 νῦν δὲ ζητεῖτέ με ἀποκτεῖναι, ἄνθρωπον ὃς τὴν ἀλήθειαν ὑμῖν
λελάληκα, ἣν ἥκουσα παρὰ τοῦ Θεοῦ. τοῦτο ̓Αβραὰμ οὐκ ἐποίησεν.
Ιω Η‐41 ὑμεῖς ποιεῖτε τὰ ἔργα τοῦ πατρὸς ὑμῶν. εἶπον οὖν αὐτῷ· ἡμεῖς ἐκ
πορνείας οὐ γεγεννήμεθα· ἕνα πατέρα ἔχομεν, τὸν Θεόν.
Ιω Η‐42 εἶπεν οὖν αὐτοῖς ὁ ̓Ιησοῦς· εἰ ὁ Θεὸς πατὴρ ὑμῶν ἦν, ἠγαπᾶτε ἂν
ἐμέ· ἐγὼ γὰρ ἐκ τοῦ Θεοῦ ἐξῆλθον καὶ ἥκω· οὐδὲ γὰρ ἀπ ̓ ἐμαυτοῦ
ἐλήλυθα, ἀλλ ̓ ἐκεῖνός με ἀπέστειλε.
Ιω Η‐43 διατί τὴν λαλιὰν τὴν ἐμὴν οὐ γινώσκετε; ὅτι οὐ δύνασθε ἀκούειν τὸν
λόγον τὸν ἐμόν.
Ιω Η‐44 ὑμεῖς ἐκ τοῦ πατρὸς τοῦ διαβόλου ἐστέ, καὶ τὰς ἐπιθυμίας τοῦ
πατρὸς ὑμῶν θέλετε ποιεῖν. ἐκεῖνος ἀνθρωποκτόνος ἦν ἀπ ̓ ἀρχῆς καὶ ἐν
τῇ ἀληθεία οὐχ ἕστηκεν, ὅτι οὐκ ἔστιν ἀλήθεια ἐν αὐτῷ· ὅταν λαλῇ τὸ
ψεῦδος, ἐκ τῶν ἰδίων λαλεῖ, ὅτι ψεύστης ἐστὶ καὶ ὁ πατὴρ αὐτοῦ.
Ιω Η‐45 ἐγὼ δὲ ὅτι τὴν ἀλήθειαν λέγω, οὐ πιστεύετέ μοι.
Ιω Η‐46 τίς ἐξ ὑμῶν ἐλέγχει με περὶ ἁμαρτίας; εἰ δὲ ἀλήθειαν λέγω, διατί
ὑμεῖς οὐ πιστεύετέ μοι;
Ιω Η‐47 ὁ ὢν ἐκ τοῦ Θεοῦ τὰ βήματα τοῦ Θεοῦ ἀκούει· διὰ τοῦτο ὑμεῖς οὐκ
ἀκούετε, ὅτι ἐκ τοῦ Θεοῦ οὐκ ἐστέ.
Ιω Η‐48 ἀπεκρίθησαν οὖν οἱ ̓Ιουδαῖοι καὶ εἶπον αὐτῷ· οὐ καλῶς λέγομεν
ἡμεῖς ὅτι Σαμαρείτης εἶ σὺ καὶ δαιμόνιον ἔχεις;
Ιω Η‐49 ἀπεκρίθη ̓Ιησοῦς· ἐγὼ δαίμόνιον οὐκ ἔχω, ἀλλὰ τιμῶ τὸν πατέρα
μου, καὶ ὑμεῖς ἀτιμάζετέ με.
Ιω Η‐50 ἐγὼ δὲ οὐ ζητῶ τὴν δόξαν μου· ἔστιν ὁ ζητῶν καὶ κρίνων.
Ιω Η‐51 ἀμὴν ἀμὴν λέγω ὑμῖν, ἐάν τις τὸν λόγον τὸν ἐμὸν τηρήσῃ, θάνατον
οὐ μὴ θεωρήσῃ εἰς τὸν αἰῶνα.
Ιω Η‐52 εἶπον οὖν αὐτῷ οἱ ̓Ιουδαῖοι· νῦν ἐγνώκαμεν ὅτι δαιμόνιον ἔχεις.
̓Αβραὰμ ἀπέθανε καὶ οἱ προφῆται, καὶ σὺ λέγεις, ἐάν τις τὸν λόγον μου
τηρήσῃ οὐ μὴ γεύσηται θανάτου εἰς τὸν αἰῶνα;
Ιω Η‐53 μὴ σὺ μείζων εἶ τοῦ πατρὸς ἡμῶν ̓Αβραάμ, ὅστις ἀπέθανε; καὶ οἱ
προφῆται ἀπέθανον· τίνα σεαυτὸν σὺ ποιεῖς;
Ιω Η‐54 ἀπεκρίθη ̓Ιησοῦς· ἐὰν ἐγὼ δοξάζω ἐμαυτόν, ἡ δόξα μου οὐδέν ἐστιν·
ἔστιν ὁ πατήρ μου ὁ δοξάζων με, ὃν ὑμεῖς λέγετε ὅτι Θεὸς ὑμῶν ἐστι,
Ιω Η‐55 καὶ οὐκ ἐγνώκατε αὐτόν· ἐγὼ δὲ οἶδα αὐτόν. καὶ ἐὰν εἴπω ὅτι οὐκ
οἶδα αὐτόν, ἔσομαι ὅμοιος ὑμῶν ψεύστης· ἀλλ ̓ οἶδα αὐτὸν καὶ τὸν λόγον
αὐτοῦ τηρῶ.
Ιω Η‐56 ̓Αβραὰμ ὁ πατὴρ ὑμῶν ἠγαλλιάσατο ἵνα ἴδῃ τὴν ἡμέραν τὴν ἐμήν,
καὶ εἶδε καὶ ἐχάρη.
Ιω Η‐57 εἶπον οὖν οἱ ̓Ιουδαῖοι πρὸς αὐτόν· πεντήκοντα ἔτη οὔπω ἔχεις καὶ
̓Αβραὰμ ἑώρακας; 188
Ιω Η‐58 εἶπεν αὐτοῖς ὁ ̓Ιησοῦς· ἀμὴν ἀμὴν λέγω ὑμῖν, πρὶν ̓Αβραὰμ
γενέσθαι ἐγώ εἰμι.
Ιω Η‐59 ἦραν οὖν λίθους ἵνα βάλωσιν ἐπ ̓ αὐτόν· ̓Ιησοῦς δὲ ἐκρύβη, καὶ
ἐξῆλθεν ἐκ τοῦ ἱεροῦ διελθὼν διὰ μέσου αὐτῶν, καὶ παρῆγεν οὕτως.
Δεν υπάρχουν σχόλια:
Δημοσίευση σχολίου